Florentino Perez është tronditur nga vendimi i Zinedine Zidanes për largim nga Real Madridi.

Presidenti i kampionit të Evropës ka pranuar në konferencën e sotme (e enjte) se largimi i francezit nga detyra e tij si trajner në Bernabeu pas fitores së Ligës së Kampionëve ka qenë i “papritur”, shkruan portali arbresh.info.

“Pas fitores së Ligës së Kampionëve, vendimi ishte i papritur”, ka thënë ai. “Është një ditë e pikëlluar për mua, tifozët dhe lojtarët. Por, ai e di se unë e dua atë si lojtar dhe si trajner”

“Dua që ai të qëndroj përgjithmonë dhe doja ta bindi që të vazhdoj qëndrimin, por e di se ky ishte vendimi i fundit”

“E gjitha që dua është që t’i kujtoj atij që ky klub është shtëpia dhe familja e tij”

Zidane, i cili kishte kontratë te klubi në Madrid deri në vitin 2020, ka vendosur të largohet nga klubi pasi siguroi për të tretën herë radhazi titullin në Ligë të Kampionëve./arbresh.info/